Carta del rey de Aragón, Jaime II al rey de Castilla sobre el asunto de los templarios.

08.10.2020

Al rey de Castiella etc. Don Jayme etc.-Rey hermano, fazemos vos saber que recebiemos vuestra carta que nos enviastes sobrel fecho desta demanda quel papa face de los bienes del Temple; sobre Ia qual el rey de Portogal é vos enviades alla al papa el arcebisbo de Bragana. Et enviastes nos rogar que sobre este mesmo enviassemos hi nuestro mandadero, en guissa quel papa entendiesse quel vuestro entendimiento et del rey de Portogal et nuestro es todo uno sobre este fecho. Et entenduda muy bien Ia dicha vuestra carta, respondemos vos que tenemos por bien de enviar nuestro mandadero sobre este fecho al papa, segunt vos nos lo enviastes rogar. Ca ya ante que la dicha vuestra carta recebiéssemos, lo habiamos assi ordenado de enviar hi sobre esto et sobre otras cosas. Et mandar les hemos que en razonar et deffender muy bien todo nuestro derecho, sean unos con el arcebisbo en semble; en guissa quel papa et toda la corte conoscha que eu esto, et en todas otras cosas el fecho de vos et del rey de Portogal et nuestro es todo uno.

Et los mandaderos nuestros son un richombre et un cavallero; porque nos pareçe que seria bien que los vuestros mandaderos otrossi fuessen legos et personas tales que fuessen por a razonar et defender tal fecho como este, porque mas cumple razonarlo legos que clérigos.

Dada en Barcelona, XVII dias andados de Agosto en el ayno de mil é CCC et onze. G. Palezini mandato Regis.

Regestrum Templariorum fol, 306. Archivo de la Corona de Aragón.